Түркістан облыстық полиция департаментінің криминалдық полиция басқармасының қызметкерлері «Мал ұрлаушы» жедел-алдын алу іс-шарасын қорытындылады, деп хабарлайды ведомсвтоның баспасөз қызметіне сілтеме жасай отырып Elitar.kz.
Шара барысында мал сатумен айналысатын орындар мен мал тасымалдайтын көліктерді, ет өңдейтін нүктелер мен мал соятын орындарға тексеру жұмыстары жүргізіліп, облыс көлемінде 40 тосқауыл бекеттері қойылды және олармен рейдтік іс шаралар атқарылды. Нәтижесінде 30-дан астам мал ұрлаушыны, оның ішінде мал ұрлығына қатысы бар 10-нан астам қылмыс ашылды. Жедел-алдын алу шарасы аясында криминалдық полицияның қызметкерлері өзге де полиция құрылымдарымен бірлесіп, мал ұрлығын ұйымдастырған 4 қылмыстық топты жойды.
Мәселен, Отырар ауданында мал ұрлығын іске асырмақшы болған қылмыстық топ. Олардың 3 жергілікті тұрғын екендігі анықталып, бірінің бұрын сотталғандығы белгілі болды. Тергеу барысында күдіктілердің жалпы көлемі миллион теңгеден асатын 3 мал ұрлығы жайтына қатысы бар екендігі де анықталды. Қазіргі уақытта аталған жайттарға қатысты ҚР ҚК-нің 188-бабымен сотқа дейінгі тексеру амалдары жүргізілуде.
"Ұрылар тұрғындардың бейқамдығын, жауапсыздығын пайдаланады. Өйткені мал иелерінің басым көпшілігі жайылымдағы малдарын қараусыз қалдырып, бекітілмеген қора жайларда бағады. Сондай-ақ, көп жағдайда малынан айрылған тұрғындар полицейлерге бірден хабар бермей, өзім табамын деп уақыт өткізіп алады. Бұл өз кезегінде мал ұрысын дер кезінде құрықтауға кедергісін келтіреді" делінген хабарламада.
