Полицейлерге күдікті азамат туралы ақпаратты ауыл тұрғынының бірі хабарлаған.
Түркістан облысы, Бәйдібек аудандық полиция бөліміне жергілікті тұрғыннан хабарлама хабар келіп түскен. Оның айтуынша, Шаян ауылың тұрғыны «марихуана» есірткі затын сақтап, қолданатын көрінеді. Полицейлер келіп түскен ақпарат бойынша тез арада іске кіріскен.
"Аталған жайт ҚР ҚК-нің 296-бабы бойынша тіркеліп, СДТТБТ-не енгізіліп, қылмыстық іс қозғалды. Хабарламада көрсетілген жайтты анықтау мақсатында оқиға орнында тәртіп сақшылары шұғыл тексеру жұмыстарын жасады. Осы жедел-іздестіру шараларының нәтижесінде күдікке ілінген азаматтың тұрғын үйінің алдында орналасқан әжетханасының шатырының астынан пакетке оралған қоңыр сары түсті, хош иісті ұнтақталған есірткі затына ұқсас «кептірілген өсімдік» табылды. Сараптама тағайындалып, қорытындысына сәйкес хош иісті зат «кептірілген марихуана» болып шықты. Салмағы 40 граммнан асты",-делінген облыстық Полиция департаментінің баспасөз қызметі таратқан хабарламада.
Тергеу барысында анықталғандай, күдікті есірткі затын өзі қолданған. Қазіргі таңда сотқа дейінгі тергеу амалдары жүргізілуде.
