ҚР Президенті лауазымына кандидаттарды ұсыну 2019 жылдың 10 сәуірінен басталады және 28 сәуір күні сағат 18:00-де аяқталады. Бұл туралы бүгін Орталық сайлау комиссиясы хабарлады.
"Қазақстан Республикасындағы сайлау туралы" Конституциялық заңның 66-1-бабы науқанның жекелеген кезеңдерінің ұзақтығын анықтау үшін негіз болып табылады.
"ҚР Президентінің кезектен тыс сайлауын өткізу мерзімін ОСК белгілейді. Осы жоспарға сәйкес, ҚР Президенті лауазымына кандидаттарды ұсыну сайлау тағайындалған күннен кейінгі, яғни, 2019 жылдың 10 сәуірінен басталады және ағымдағы жылдың 28 сәуірінде сағат 18.00-де аяқталады" делінген күнтізбелік жоспарда.
