Төтенше жағдай бүгін, 12 қыркүйек Түркістан облысындағы Төлеби ауданы, Леңгір қаласындағы №7 жалпы орта мектепте орын алған, деп хабарлайды Elitar.kz.
10 сынып оқушысы жолдан белгісіз флакон тауып алып, сағат 10.37-де үзіліс уақытында тауып алған флаконды әтір деп мектеп ғимаратының бірінші қабатындағы дәлізінде сепкені белгілі болды. Соның салдарынан балалар жөтеліп, 26 оқушы, 2 мұғалім мен 1 техникалық қызметкерге алғашқы медициналық көмек көрсетілген.
"Мектеп әкімшілігі білім ұясының 70 қызметкері мен 711 оқушы сыртқа эвакуациялады. Қазіргі таңда 8 оқушы ауруханаға орналастырылып, денсаулықтары дәрігерлердің бақылауына алынды. Аталған дерек бойынша аудандық полиция бөліміндегілер тергеп тексеру амалдары жүргізуді бастады",-деді Төлеби ауданы әкімдігінің баспасөз қызметіндегілер.
