13 ақпан, 13:26
Сыбайлас жемқорлыққа қарсы іс-қимыл агенттігінің департамент басшысы Анар Жарова сыбайлас жемқорлыққа бейім салаларды анықтау бойынша 2019 жылға арналған сыбайлас жемқорлыққа қарсы мониторингтің қорытындысын айтты.
Арнайы жүргізілген мониторинг ІІМ, Қаржы, Қорғаныс, Индустрия және инфрақұрылымдық даму, ауыл шаруашылығы министрлігі сияқты сыбайлас жемқорлыққа бейім мемлекеттік органдардың бестігін шығарды.
Өз кезегінде, әкімдіктер мен олардың құрылымдық бөлімшелері қызметкерлерінің арасында сыбайлас жемқорлық үшін сотталған адамдардың ең көп саны Түркістанда – 37 адам. Шығыс Қазақстанда - 37, Жамбылда – 30, Ақмолада – 19, Алматы және Қостанайда – 15 – тен, Атырау, Маңғыстау және Қызылорда облыстарында – 14-тен.
"Мониторинг көрсеткендей, жергілікті атқарушы органдарда көбінесе сыбайлас жемқорлық қылмыстары білім беру, жер қатынастары, ауыл шаруашылығы, сәулет және құрылыс, ТКШ салаларында жасалады", – деп атап өтті А. Жарова.
Сыбайлас жемқорлыққа қарсы қызмет облыс және Нұр-Сұлтан, Алматы, Шымкент қалаларының әкімдіктеріне осы сыбайлас жемқорлыққа қарсы мониторингтің нәтижелерін ескере отырып, сыбайлас жемқорлыққа неғұрлым бейім жергілікті атқарушы органдардың қызметіне ішкі талдау жүргізуді ұсынды.
