Қазақстанда төтенше жағдай кезінде табысынан айырылған 216 мыңнан астам тұрғынға төлемдер тағайындалды, деп хабарлайды Elitar.kz.
Еңбек және халықты әлеуметтік қорғау министрлігінің мәліметінше, табысынан айырылуына байланысты әлеуметтік төлем тағайындау үшін ел тұрғындарынан 2 755 866 өтініш келіп түскен. Оның 1 067 735-іне қайталанатын өтінім тіркелді. Өтініштерді қарау мерзімдерінің ұлғаюына жол бермеу мақсатында азаматтар өтінішті бір рет беруі тиіс. Деректерді тексеру және өтінішті қарау мерзімі 3 жұмыс күнін құрайды.
Айта кетейік, мемлекеттік сақтандыру қоры төлем жасау туралы шешім қабылдағаннан кейін өтініш берушіге SMS-хабарлама жіберіледі. Кейін өтініш берушінің деректері «Азаматтарға арналған үкіметке» жіберіледі, ол оны екінші деңгейдегі банктерге төлем жүргізу үшін жібереді.
