Қытайдың Ухань қаласындағы орталық аурухананың басшысы коронавирустан көз жұмды. Ол қауіпті індеттен ажал құшқан Қытайдағы екінші дәрігер.
Wuhan Wuchang Hospital басшысы Лю Чжимин бүгін таңғы сағат 10.30-дар шамасында көз жұмды. Бұл туралы New York Times хабарлады.
Еске салсақ, ақпанның басында коронавирус дерті туралы алғаш болып дабыл қаққан дәрігер Ли Вэньлян аталған індеттен көз жұмған болатын. Ол өткен жылдың желтоқсанында қалада белгісіз вирусытң пайда болғанын айтып, әріптестеріне жеткізген. Алайда құзырлы орган дәрігерді жалған ақпарат таратты деп қудалады.
Ли Вэньляннің қазасына миллиондаған қытайлық көңіл айтты.
