Алматыда және Алматы облысында танымал маркамен арақ саудаланды. Белгілі болғандай, спирттік ішімдік Алматы облысының Іле ауданында жасалған. Бұл туралы Алматы облысы бойынша Экономикалық тергеу департаменті хабарлады.
Жедел іздестіру іс-шараларын жүргізу кезінде Іле АІІБ-нің қызметкерлері ер адамды қолға түсірді.Оның автокөлігінен күмәнді алкоголь ішімдіктері табылған.
Барлығы 800-ден
астам "Absolut", "Хортица", "Воздух",
"Мороша", "Бульбаш", "Царская",
"Зерно" маркалы
қолдан жасалған арақ табылды. Сондай-ақ,
қызметкерлер 2100 күмәнді акциздік
маркалар мен 160 литр спирт, бос бөтелкелер
мен қақпақтар, сондай-ақ алкоголь
өнімдерін дайындауға және құюға арналған
25 литрлік бөшкелер тәркіленді.
Қазіргі
таңда ҚР ҚК-нің 233-бабы 2-бөлігі бойынша
сотқа дейінгі тергеу жүргізілуде.
