14 қазан, 17:01
Алдын ала мәлімет бойынша Николай Булакин өзінің көлігімен Минусинск қаласына кетіп бара жатқан кезде жағдайы нашарлаған. Салдарынан көлігін басқара алмай, ағашқа соғылған.
Қайғылы оқиға Р-257 тас жолының 433 шақырымында орын алды. Булакин Ford Explorer рөлінде болған.
Краснояр өлкесінің жол жүру қауіпсіздігі мемлекеттік инспекциясының мәліметінше, ер адам жедел жәрдем келгенше оқиға орнында көз жұмды.
Николай Булакин 1989 жылы қоғамдық және саяси қызметті бастады. 1995 жылы Абакан әкімшілігін басқарды. Кейін бұл лауазымға бес рет қайта сайланды. Оның артында әйелі мен екі баласы қалды.
