Төлем құралы ретінде ұялы телефонды пайдалануға мүмкіндік беретін жобаға бүгінгі күні үш банк қатысады, бірақ жақын арада жағдай өзгеруі мүмкін. Тағы 10 банк ноу-хауды 2019 жылдың соңына дейін іске қосуды жоспарлап отыр.
Бұл туралы үкімет отырысында ҚР ұлттық экономика министрі Руслан Дәленов айтты.
"Қолма-қол ақшасыз төлемдерді
дамыту үшін онлайн БКМ (бақылау-кассалық
машиналар) және ERP жүйесін сатып алуға
жұмсалған шығындарды салық төлеу есебіне
мемлекеттің өтеуі бойынша салықтық
ынталандыру қарастырылған. Өтеу 2 жыл
ішінде 120 мың теңгеге дейін қаражатты
құрайды. Жедел төлемдерді дамыту үшін
Ұлттық Банк ұялы телефонды төлем құралы
ретінде пайдалануға мүмкіндік беретін
жобаны енгізді", - деді Руслан Дәленов.
Руслан Дәленов сондай-ақ онлайн
сауданы ынталандыру үшін 2023 жылға дейін
салық жеңілдіктері қарастырылғанын
хабарлады. "Оларды алуға бизнес
субъектілерінен 509 өтініш келіп түсті",
- деп қорытты басшы.
