Қостанайлық полицей қызметтік міндетін орындау кезінде жол апатынан көз жұмды. Бұл туралы облыстық Полиция департаменті хабарлады.
"18 желтоқсан күні сағат 22:28-де Әулиекөл ауданының ПБ кезекші бөлімінің "102" қызметіне "Қостанай-Әулиекөл-Сұрған" бағытындағы автожолда Октябрьское ауылына бұрылыстың жанында жүк көлігі мен "Audi" маркалы көліктің соқтығысқаны туралы хабарлама келіп түсті. Зардап шеккендер бар", - делінген хабарламада.Жол-көлік оқиғасы орын алған жерге келген жедел-тергеу тобы көлікте жолаушы болған азаматтың қаза болғанын анықтады. Марқұм болған ер кісі Әулиекөл полиция бөлімінің 32 жасар қызметкері.
