Түркістан қаласында сегіз баланың анасы алаяқтық жасады деп айыпталуда. Әйел азаматы мемлекеттік субсидия алуға көмектесемін деп талай жанды сан соқтырған. Бұл туралы облыстық полиция департаментінің баспасөз қызметі хабарлады.
Полицияға 70-ке жуық қала тұрғыны көпбалалы анадан алданып қалғаны туралы шағыммен келген. Анықталғандай, күдікті еш жерде жұмыс істемейді. Ол мемлекеттік мекемеде жұмыс істейтін сыбайластармен бірге алаяқтық жасап келген.
Күдікке ілінген әйел сегіз баланың анасы болып шықты. Үлкені тұрмыста, ал ең кішісі шамамен 2 жаста. Қазіргі уақытта ол үй қамаққа алынды, ал оның сыбайласы мемлекеттік қызметтен аластатылған ер азаматқа қатысты бұлтартпау шарасы қолданылған.
