Әлеуметтік желіде жүкті келіншектің дәрігерлермен бірге перзентханада билеп жатқан сәтінің видеосы пайда болды.
Бүл видео желіде тез тарап, қолданушылардың ерекше ықыласына ие болды. Онда айы мен күні келіген жүкті келіншек заманауи әуенге құмарлана билейді. Оны көрген ақ халатты жан да келіншекпен қосыла билей жөнеледі.
"Үнемі ашық әрі позитивті көңіл күйде болған абзал. Барлық кезде алдыңғы қатарда болу шарт. Міне, біздің Дәулет Яминұлы да челленджі алғашқылардың бірі болып бастап кетті. Біліктілігі бір төбе, енді позитивтілігі тағы бар",-деп жазды видео жүктелген перинаталды орталықтың ресми парақшасының оқырманы.
Бізге белгілі болғаны, Гаухар есімді келіншек аман-есен босанып алған. Дүниеге қыз баласын алып келген.
"Видеода біздің Гаухардың толғағы басталған сәт. Толғақ әрбір қысқан сәтте кішкене үзіліп жасап, би әрмен қарай жалғасты. Нәтижесінде келіншек жеңіл босанып алды. Ешқандай ауырсынуды басатын дәрісіз, ешбір жарақатсыз" делінген орталықтың INSTAGRAM парақшасындағы жазбада.
Айта кетейік, видеодағы әйел төрт қыз бен бір ұлдың анасы. Енді алтыншы перзентін қолына алып, батыр ана атанып отыр.
