Мемлекет басшысының баспасөз хатшысы Берік Уәли өзінің Facebook-тегі парақшасында жас Қасым-Жомарт Тоқаев түсірілген кадрларды жариялады. Алматы қаласының №25 мектебінде өткен сенбілік видеоға түсірілген.
"Осыдан 50 жыл бұрын түсірілген мұрағаттық бейнеде Алматы қаласының № 25 мектебінің оқушылары сенбілікке белсене қатысуда. Бірегей кадрларда Қазақстан президенті Қасым-Жомарт Тоқаевты көруге болады. 10 сынып оқушысы сыныптастарымен бірге мектеп аумағын тазалады", — деп жазды баспасөз хатшысы Берік Уәли.
Сыныптастарымен бірге Қазақстанның болашақ президенті мектеп ауласын тазалап жүр. Видео көптеген қаралым мен пікірлер жинады.
