29 қыркүйек, 17:12
Шымкентте құс тұмауын жұқтыру жағдайлары тіркелген жоқ.
Алайда, алдын алу мақсатында үй құстарына жаппай егу жұмыстары жүргізіледі.
Осы мақсатта ҚР Ауыл шаруашылығы министрлігінің Ветеринариялық бақылау және қадағалау комитеті Шымкентке құс тұмауына қарсы 33 173 доза бөлді, деп хабарлайды Шымкент қаласы әкімінің баспасөз қызметі.
Вакцина қаланың 6 ветеринарлық пунктіне таратылды, бүгінгі күні су қоймаларына жақын тұратын халықтың құс тұмауына қарсы вакцинация басталды.
Алдағы күндері Комитет қосымша 70 000 доза бөледі.
