АҚШ-та бір тәулікте 25500 адамнан коронавирус анықталды

05 сәуір, 09:59

АҚШ-та коронавирусқа шалдыққандар саны еселеніп артып отыр, деп хабарлайды CORONAVIRUS NEWS.

Соңғы тәулікте 1169 адам қауіпті індеттен көз жұмды.

Осыдан үш апта бұрын коронавирус бүкіләлемдік пандемия деп жария етілгенде АҚШ-та күніне шамамен 500-ге жуық адамнан вирус анықталған. Бұл қазіргі таңдағы Ресейдегі жағдай.

Нью-Йорктегі мобильді мәйітханада орын жоқ. Вашингтонда да жағдай мәз емес. Адамдар бұған дейін аталған індетке аса мән бере қоймаған, ал қазір дүкендерге маска және шарфпен оранып шығады.