Жаға ұстатарлық оқиға Өзбекстанның Ташкент облысында орын алған, деп хабарлайды жергілікті БАҚ-қа сілтеме жасай отырып Elitar.kz.
Прокуратура хабарлағандай, акушер-гинеколог баланы сатқаны үшін 100 АҚШ долларын алған.
"Янгиюль ауданының медициналық бірлестігі жанындағы перзентхана бөлімінің акушер-гинекологы бала босанған келіншекке 1 сәуірде туған қызы қайтыс болғанын хабарлаған. Содан кейін ол баланы басқа әйелдің атына рәсімдеп, жалған құжаттар жасаған. Бұл үшін ол 100 АҚШ долларын алды" делінген құзырлы орган берген мәліметте.
Бұл факті бойынша акушер-гинекологқа қатысты қылмыстық кодекстің тиісті баптары бойынша қылмыстық іс қозғалды, тергеу амалдары жүргізілуде.
