"160 мыңнан астам отбасы мемлекеттік органдардың бірлескен іс-қимылының арқасында атаулы әлеуметтік көмек алды, бұл тағайындалған төлемдердің 100%,"- деп хабарлады вице-премьер Гүлшара Әбдіхалықова Үкіметте өткен баспасөз мәслихатында. Бұл туралы sputniknews.kz-ке сілтеме жасай отырып Elitar.kz хабарлайды.
Ол
сұралған құжаттарды оңтайландыру
есебінен АӘК тағайындау рәсімін
жеңілдетуге бағытталған E-Halyk ақпараттық
жүйесін енгізу аяқталғанын атап
өтті.
"Алдымен кейбір қиындықтар болды. Бұл, бірінші кезекте, мемлекеттік органдарға өтініш білдірген адамдардың легінің көп болғандығымен түсіндіріледі. Тұрғындарды тіркеу бойынша көптеген сұрақтар болды, адамдар АӘК талап еткісі келді,бұл ретте олар тұрғылықты жері бойынша тіркелмеген. Заңдарды білмегендіктен көптеген сұрақтар қойылды. Бүгінде бұл мәселелер біртіндеп шешілуде. Мемлекеттік органдардың бірлескен іс-қимылдарының нәтижесінде бүгінгі күні АӘК 160 мыңнан астам отбасына төленді. Бұл-тағайындалған төлемдердің 100%", - деді Әбдіхалықова.
Сондай-ақ, вице-премьер мамыр
айынан бастап тұрғын үйлер
жалға беріле бастағанын
хабарлады.
"Жақында ғана бірінші мамырдан бастап 249 көпбалалы отбасы пәтер алды. Жалпы, мамыр айында 7 мыңның 1 316 - ын беру жоспарлануда", - деп нақтылады Әбдіхалықова.
Айта
кетейік, көпбалалы отбасылардың
әлеуметтік тұрғыдағы талабы Нұр-Сұлтандағы Ситерлер
отбасының 5 бірдей қызының жалдамалы
сарайда өртеніп кеткен оқиғасынан кейін
күшейе түсті. Жер-жерлерде аз қамтылған
отбасылар әкімдіктерге барып, өз
талап-арыздарын айта бастады.
Нәтижесінде, тікелей
Елбасының тапсырмасымен, көпбалалы
отбасылардың балаларына жәрдемақы
тағайындалды.
Яғни,
Нұрсұлтан Назарбаев үстіміздегі
жылдың 27 ақпанда "Нұр Отан"
партиясының 18-ші съезінде Қазақстанда
көпбалалы отбасындағы әр
балаға 21 мың теңге көлемінде төлем
белгіленгенін мәлімдеді.
