Шымкентте 24 маусымда Дархан Сатыбалдының орнына қала атынан Сенат депутатын сайлау өтеді, деп хабарлады Орталық сайлау комиссиясы.
Баспасөз
хабарламасында, бүгін ОСК отырысы өтіп,
онда "2019 жылғы 24 маусымға Шымкент
қаласынан шығып қалған депутаттың
орнына ҚР Парламенті Сенатының депутатын
сайлауды тағайындау туралы" қаулы
қабылданғаны мәлім
болды.
Естеріңізге сала кетейік,
Президенттің 2019 жылғы 18 наурыздағы
Жарлығымен Сенат депутаты қызметін
атқарған Дархан Сатыбалды Өзбекстандағы елші
болып тағайындалды. 19 наурызда ОСК оның
сенатор ретіндегі өкілеттігін тоқтату
туралы қаулы қабылдады.
Заңнамаға
сәйкес, депутат өкілеттігін мерзімінен
бұрын тоқтату шығып қалған депутаттың
орнына сайлау тағайындауға негіз болып
табылады. Бұл ретте сайлауды Орталық
сайлау комиссиясы өкілеттігі мерзімінен
бұрын тоқтатылған кезден бастап екі
айдан кешіктірмей тағайындайды.
Осыған
сәйкес ОСК-ның 24 маусымға шығып қалған
депутаттың орнына Шымкенттен Сенат
депутатын сайлауды тағайындау туралы
қаулысы қабылданды, сондай-ақ Шымкенттен
Сенат депутатын сайлауды дайындау және
өткізу жөніндегі негізгі іс-шаралардың
күнтізбелік жоспары
бекітілді. Ұсыну сайлау тағайындалған
күннен кейінгі – 27 сәуірден
басталады және ағымдағы жылдың 24
мамырында аяқталады.
Сенат
депутаттығына кандидаттар ұсыну:
1)
Республикалық маңызы бар қала мәслихатының
сессиясында:
Саяси партиялар, өзге
де қоғамдық бірлестіктер мәслихаттардағы
өз өкілдері арқылы Сенат депутаттығына
кандидатуралар ұсынады.
2) өзін-өзі
ұсыну тәртібімен:
Сенат депутаттығына
кандидат болып мәслихат депутаты,
сондай-ақ тиісті республикалық маңызы
бар қаланың аумағында тұратын азамат
ұсынылуы мүмкін.
Жоғары білімі және
кемінде бес жыл жұмыс өтілі бар, өзі өкілдік ететін өңірде кемінде үш
жыл тұрақты тұратын Қазақстан азаматы
Сенат депутаты бола алады. Кандидаттарды
тіркеу барлық қажетті құжаттарды
алғаннан кейін басталады және сайлау
күнінен 20 күн бұрын, 3 маусымда сағат
18.00-де аяқталады.
Сайлау алдындағы
үгіт 3 маусым сағат 18:00-ден кейін басталады
және 2018 жылғы 22 маусымда аяқталады.
Сенат депутаттығына кандидаттарға
сайлау алдындағы үгіт жүргізуге
республикалық бюджеттен қаражат
бөлінетін болады.
