Елбасы Нұрсұлтан Назарбаев Түркістандағы Халыққа қызмет көрсету орталығында болды. Бұл туралы Тұңғыш Президенттің баспасөз хатшысы Айдос Үкібай Twitter-дегі парақшасында жазды
Бұдан бұрын Нұрсұлтан Назарбаев қаладағы жаңадан ашылған Неке сарайына барып, жастармен бейресми кездесу өткізген еді.
Ал кеше Елбасы Түркістандағы бірқатар құрылыспен танысып, халықпен кездесті. Кездесуге арналған шарада Тұңғыш Президент Түркістан қаласын облыс орталығы етуді қашаннан бастап жоспарлағанын атап өтті.
