25 ақпан, 15:30
Данияр Ақышев Қазақстан Ұлттық банкінің төрағасы қызметінен кетті, деп хабарлайды Elitar.kz.
Бүгін Парламент Сенатының депутаттары Қазақстан Ұлттық Банкінің басшысы лауазымына Ерболат Досаевтың кандидатурасын мақұлдады.
Ерболат Досаев 1970 жылы 21 мамырда Алматыда дүниеге келген. Республикалық физика-математика мектеп-интернатын, Алматы энергетикалық институтын және Бауман атындағы Мәскеу мемлекеттік техникалық университетін "Электрондық техника инженері" мамандығы бойынша бітірген.
Еңбек жолын 1993 жылы "Искер" СҒК-да бастаған. Әр жылдары Премьер-министрдің кеңесшісі, Энергетика, индустрия және сауда вице-министрі, Қаржы вице-министрі, Табиғи монополияларды реттеу және бәсекелестікті қорғау жөніндегі агенттік төрағасы болып істеген. Одан өзге Ұлттық банктің жаңа төрағасы
Қазақстандағы Еуропалық Қайта Құру және Даму Банкінің (ЕҚДБ) басқарушысы, Денсаулық сақтау министрі, Экономикалық даму және сауда министрі, Экономика және бюджеттік жоспарлау министрі, Ұлттық экономика министрі, "Бәйтерек "Ұлттық басқарушы холдингі"АҚ Басқарма төрағасы болды. 2017 жылдың тамыз айынан бастап жаңа қызметке тағайындалғанға дейін ҚР Премьер-министрінің орынбасары қызметін атқарды.
