Ержан Максим арнайы видео түсіріп, көрермендерге байқауда қолдау көрсеткені үшін алғысын білдірді.
"Құрметті достар! Маған дауыс беріп, қолдау көрсеткендеріңіз үшін сіздерге рахмет айтамын. Мұның бәрі сіздердің арқаларыңызда. Мен сіздерді өте жақсы көремін. Барлығына рахмет", - деді Ержан.
Қазақ баласы "Junior Eurovision 2019" байқауында екінші орынға ие болды. 24 қараша күні Польша Гливицасында байқаудың финалы өтті. Ержан Максим "Арманнан қалма" әнін орындады. Қазылар алқасы мен көрермендердің дауыс беру қорытындысы бойынша 12 жастағы Ержан 227 ұпай жинады.
"Ержан Максим беделді Junior Eurovision ән байқауында жүлделі екінші орынға ие болды. Бұл теңдесі жоқ, тамаша жетістік! Сені, ата-анаңды және ұстаздарыңды осындай маңызды жеңіспен құттықтаймын. Алар асуларың биік болсын! Алға!" деп жазды Президент.
