Түркістан облысының "Қыран" футбол клубына жаңа директор тағайындалды. Енді бұл клубқа Сарбиназ Алдабергенова басшылық етеді, деп хабарлайды Elitar.kz.
Жаңа қызметке тағайындалған директор клуб ұжымымен кездесіп, алдағы жұмыс жоспарлары туралы ойымен бөлісті. Айтуынша, қаржылық мәселені шешу бірінші кезекте тұр.
"Біз команданың мәртебесін арттыруда бірігіп аянбай еңбек етеміз деп ойлаймын. Алдымен қазіргі жағдаймен етене танысып алуым қажет. Кейін қажетті шешімдерді қабылдайтын боламын. Бәрімізге сәттілік тілемін",-деді ол.
Айта кетейік, Сарбинназ Алдабергенов спорт саласында көп жылдар бері еңбек етіп келеді. Ол "Отырар" медиахолдингінде тілшілік жұмыстан бастап, спорт жаңалықтарының редакторы, телеарнаның продюсері қызметтеріне дейін көтерілген.
Біз Elitar.kz ұжымы атынан жаңа басшыға сәттілік тілейміз.
