Қытайдың шығысында Шаньдун провинциясының "Жэньчэн" түзеу мекемесінде 200 жазасын өтеуші коронавирус жұқтырған. Гигиена және денсаулық сақтау істері жөніндегі комитет басшысы Си Яньнің мәліметінше, Қытайдың Шаньдун провинциясындағы түрмеде тексеруден 2077 адам өткен. 207 адамның коронавирусты жұқтырғаны анықталды. Оның жетеуі түзеу мекемесінің қызметкері. Инфекция жұқтырғандардың барлығы оқшауланып, емдеуден өтуде.
Провинция билігі ақпан айының басында кейбір күзетшілерде жөтел белгілері пайда болғанын, ал 12 ақпанда түрменің қауіпсіздік қызметі қызметкерлерінің бірі қатты жөтел салдарынан карантинге алынғанын, 13 ақпанда оның диагнозы расталғанын хабарлады. Жалпы Қытай елінде өткен тәулікте 118 адам аталған вирустан қайтыс болған.
