Қытайда коронавирустан қаза болғандардың саны 490 адамға жетті, деп хабарлайды ҚХР Денсаулық сақтау жөніндегі ұлттық комитетінің сайтына сілтеме жасап Elitar.kz.
Қауіпті дертті жұқтырғандар саны 24 324 адамды, ал ауруханадан емделіп шыққандар саны 892 адамды құраған. Вирустан көз жұмғандардың 490-ы қытайлықтар. Ал қалған екі жағдай өзге мемлекеттерде тіркелген.
Қытайдың Денсаулық сақтау жөніндегі ұлттық комитетінің мәліметінше, бұдан өзге 23 мыңнан астам адам коронавирусқа шалдыққан болуы мүмкін. Олармен қарым-қатынаста болған 185,5 мың тұрғын мамандардың бақылауына алынған.
