Қытайда коронавирустан тағы 43 адам көз жұмды

31 қаңтар, 11:12

Қытайда өткен тәулікте коронавирусытан 43 адам көз жұмды. 1982 адам қауіпті дертті жұқтырған. Бұл туралы шетелдік БАҚ ҚХР Денсаулық сақтау ісі жөніндегі мемлекеттік комитет хабарламасына сілтеме жасап хабарлады.

Ондағы мәліметке сенсек, көз жұмған 43 адамның 42-сі Хубэй провинциясында тіркелген. Бұл провинция коронавирус ошағына айналған аумақ болып табылады. 1 адам Ресеймен шекараласатын Хэйлунцзян провинциясында қайтыс болды. Айта кетейік, соңғы мәлімет бойынша Қытайда аталған індетті 9692 адам жұқтырған. Жалпы көз жұмғандар саны 213 адамға жетті.