30 қаңтар, 17:07
Alibaba Group негізін қалаушы Джек Ма коронавирусқа қарсы вакцина дайындауға өз қорынан 100 миллион юань ($14 млн) бөлді. Бұл туралы CNN-ге сілтеме жасап Elitar.kz хабарлайды.
Оның 5,8 млн доллары екі үкіметтік зерттеу орталығына, ал қалған қаражат аурудың алдын алу және емдеу шараларын қолдау үшін пайдаланылады,
Еске салсақ, бұған дейін Alibaba коронавирус тарала бастаған Ухань қаласына дәрі-дәрмек сатып алу үшін $ 144 млн бөлді. Сонымен қатар, компания ауруханаларға жүктемені азайту үшін медициналық мәселелер бойынша тегін онлайн-кеңес беру желісін іске қосты. Сондай-ақ, Alibaba вакцинаны іздеу үшін ғылыми-зерттеу ұйымдарына өздерінің есептеу қуатын ұсынады.
Коронавируспен күреске арналған қаражатты Huawei, Tencent, Baidu іздеу жүйесі, сондай-ақ Meituan-Dianping өнімдерін жеткізу қызметі бар басқа да қытайлық компаниялар да бөлетін болды.
