Ішкі істер министрлігінің басшылық қызметін тізгіндеген Қалмұханбет Қасымов Елбасы Нұрсұлтан Назарбаевтың Жарлығымен Қалмұханбет Қасымов Қазақстан Республикасы Президентінің көмекшісі - Қауіпсіздік Кеңесінің хатшысы болып тағайындалды. Бұл туралы Ақорданың баспасөз қызметі мәлім етті.
Қалмұханбет Қасымов 1957 жылы Алматы облысы Іле ауданының Дмитриевка аулында өмірге келген.
Жоғары білімді. 1979 жылы С.Киров атындағы Қазақ мемлекеттік университетінің заң факультетін бітірген, мамандығы - заңгер. Полиция генерал-полковнигі.
Еңбек жолын 1979 жылдан бастап - тергеуш болып бастаған. Кейін аға тергеуші, тергеу бөлімінің бастығы, Алматы облысы ІІБ Іле аудандық ішкі істер бөлімі бастығының орынбасары, Алматы облысы ІІБ-нің қоғамдық қауіпсіздік бөлімі бастығының орынбасары, Алматы облысы ІІБ Қапшағай ІІБ-нің бастығы, Алматы облысы ІІБ Криминалдық милиция басқармасының бастығы, Алматы облысы ІІБ бастығының бірінші орынбасары қызметтерін атқарған. Сонымен қатар экс-министр Алматы қаласының ішкі істер бас басқармасының бастығы, Алматы облысы ішкі істер бас басқармасының, Ішкі істер департаментінің бастығы, ҚР Ішкі істер министрінің бірінші вице-министрі, вице-министрі, Шығыс Қазақстан облысы Ішкі істер департаментінің бастығы лауазымдарында отырда. Ал 2011 жылдың сәуір айынан бастап бүгінге дейін ҚР Ішкі істер министрілігіне басшылық етті.
