Қызылордада 61 жастағы қария суға батып қайтыс болды

05 маусым, 10:30

Оқиға Қызылорда облысында орын алды, деп хабарлайды облыстық Төтенше жағдайлар департаментінің баспасөз қызметіне сілтеме жасай отырып Elitar.kz.

Төтенше жағдайлар департаментінің кезекші бөліміне полиция қызметкерлерінен Қызылорда қаласының «Аэрофлот» саяжайындағы Қалғандария көлінде белгісіз ер адамның денесі судың бетіне шығып тұрғаны туралы хабарлама келіп түскен.

«Хабарлама бойынша Оңтүстік өңірлік аэроұтқыр жедел құтқару жасағының 6 құтқарушысы 2 бірлік техникамен оқиға орнына барды. Ер адамның денесін судан шығарды. Одан кейін марқұмның денесі полиция қызметкерлеріне табысталды. Анықтау барысында бұл азаматтың 1958 жылы дүниеге келген Қызылорда қаласының тұрғыны екені белгілі болды" делінген ведомство хабарламасында.