Қазақстанда енгізілген төтенше жағдай кезінде шымкенттіктер екі жүзден астам автокөлікті egov.kz портал арқылы тіркеді.
Автокөлікті қайта тіркеу қызметі egov.kzпорталының "Көлік және коммуникация" бөлімінде қолжетімді. Оны онлайн алу үшін көлік сатушыға ЭЦҚ көмегімен порталда авторизациядан өтіп, сатылатын автокөлік туралы ақпаратты енгізу, айыппұлдардың және салық қарыздарының бар-жоғын тексеруге сұрау салу қажет. Кейін электрондық үкімет порталы арқылы төлем жасалады. Өтінімге ЭЦҚ енгізу керек. Осыдан кейін сатып алушы электрондық үкімет порталындағы өзінің жеке кабинетінде өтініммен таныса алады, онда айыппұлдарды тексергеннен кейін нөмірлік белгілер, техпаспорт және тіркеу алымы үшін мемлекеттік баж төлеуге көшуге болады. Сатып алушы мәмілені өзінің ЭЦҚ енгізу арқылы растайды. Оған мамандандырылған ХҚКО-ға тек мемлекеттік нөмір мен техпаспорт алуға ғана барады.
