Өзбекстанның Наманган аудандық перзентханасы ауласында екі тірі нәресте табылды. Оларды 1996 және 1997 жылы туған екі ана 2 қыркүйекте босанған, деп хабарлайды Орталық Азия жаңалықтар қызметіне сілтеме жасап Elitar.kz.
Өзбекстан бас прокуратурасының хабарлауынша, оқиға 9 қыркүйекте түнгі сағат 03:30 шамасында болған. Д.Х. есімді әйел баласының аяғында кеміс барын білген, одан құтылуға тырысқан.
Ол перзентхананың екінші қабатының терезесінен туған баласы мен палатада көрші жатқан келіншектің жаңа туған қызын да лақтырып жіберген. Нәрестелер ауыр жарақат салдарынан жансақтау бөлімінде мерт болды. Белгілі болғаны, келіншек өзгенің сәбиін өз баласымен бірге қылмыс ізін жасырмақ болып лақтырып жіберген.
Қазіргі таңда бұл факті бойынша "Қасақана кісі өлтіру" бабы негізінде қылмыстық іс қозғалды. Әйел 15-тен 25 жылға дейін бас бостандығынан айырылуы мүмкін.
