Украина Президенті Владимир Зеленский күшігінің құжаты дұрыс болмағандықтан Қытайдың Ухань қаласынан Киевке жете алмаған бойжеткенге телефон соқты.
Әңгіме барысын украиндық қыз видеоға түсіріп алған. bzns.media порталының ақпаратынша, Анастасия Зинченконың қал-жағдайын сұраған Зеленский оған уайымға салынудың қажеті жоқтығын, өзі демеу білдіру мақсатында хабарласып, қазіргі таңда оны елге қайтару шаралары жүріп жатқанын жеткізді. ӨЗ кезегінде бойжеткен Владимир Зеленскийге алаңдаушылық білдіргені үшін рахметін айтты.
Еске салсақ, Анастасия Зинченконы қытайлықтар итінің құжаты дұрыс болмағандықтан эвакуациялаудан бас тартқан.
20 ақпанда украиндық бортпен Қытайда қалып қойған 73 адам Киевке жеткізілді. Оның 45-і Украина азаматтары болса, қалғаны шетелдіктер.
