Шымкенттік полицейлер жоғалған азаматты тауып, туыстарына табыстады, деп хабарлайды ведомствоның баспасөз қызметіне сілтеме жасай отырып Elitar.kz.
Шымкент қаласының Полиция департаментінің қызметкерлері хабар-ошарсыз жоғалған 38 жасар қала тұрғынын тауып, үйіне қайтарды. Ол Қарабастау елдімекенінде орналасқан «Қазпочтаға» зейнетақысын алуға барып, үйіне қайта оралмаған. Кейін анықталғандай, ол өзін нашар сезініп, Шымкент қалалық № 2 ауруханасына жеткізілген. Сол күні оның ағасы інісінің жоғалғаны туралы Абай ауданының Полиция басқармасына хабарлаған. Жедел-іздестіру шараларының барысында полицейлер сол күні оны тауып, отбасына табыстады.
