Бұл оқиғаға полиция қызметкерінің қатысы бар-жоқтығы тексерілуде.
Оқиға Батыс Қазақстан облысындағы Орал қаласында орналасқан «Барвиха» түнгі клубында орын алған. 27 жастағы азамат кеуде тұсынан пышақ жарақатын алып, ауруханаға түсті. Дәрігерлердің айтуынша, жас жігіттің жағдайы ауыр. Оған ота жасалды, жүрегіне зақым келген. Жансақтау бөлімінде жатыр.
"Қазіргі кезде ҚР ҚК 107-бабы 1-бөлігіне сәйкес (денсаулыққа қасақана ауырлығы орташа зиян келтiру) сотқа дейінгі тергеу амалдары жүргізілуде. Сонымен қатар департаменттің өзіндік қауіпсіздік басқармасымен аталған оқиғаға полиция қызметкерінің қатысы бар-жоғы тексерілуде" делінген БҚО баспасөз қызметі берген хабарламада.
