Жамбыл облысы бойынша Сыбайлас жемқорлыққа қарсы қызмет департаменті Жамбыл облысындағы орталық аудандық ауруханасының бас дәрігерінің пара алу фактісін анықтады, деп хабарлайды Elitar.kz.
«Ол балалар тағамын мемлекеттік сатып алу туралы шарт бойынша орындалған жұмыстар актілеріне қол қойғаны үшін жеке компания өкілінен 800 мың теңге көлемінде пара алды деп күдіктенеді», - деп хабарлады ведомствоның баспасөз қызметі.
Күдіктіге қатысты кепіл түріндегі бұлтартпау шарасы таңдалды. Тергеу жалғасуда. Күдіктіге қатысты соңғы үкім оның кінәлілік дәрежесін анықтаумен сот арқылы шығарылады.
