Жамбыл облысында коронавирустан 7 адам жазылып шықты. Оның алтауы 19-62 жас аралығындағы жергілікті тұрғындар. Қалған біреуі Нұр-Сұлтан қаласының тұрғыны. Белгілі болғаны, қауіпті індеттен сауыққандар Қордай ауданында өткен жаназа кезінде әйел азаматынан жұқтырған. Екі апта бойы ем алған тұрғындардан екі рет зертханалық талдау алынды. Қорытындысы теріс нәтиже берген. Үйлеріне шығарылған олар екі апта үй карантинінде жатып, дәрігерлер бақылауында болады.
Айта кетейік, бүгінгі таңда Жамбыл облысында коронавирустан жазылып шыққан адамдар саны 31-ге жетті.
