Бұл туралы ҚР Премьер-министрдің орынбасары Үкімет отырысында айтты.
Әуе билеттерінің қымбаттығына әуе кемелерінің жетіспеушілігі себеп болып отыр екен.
"Осыған байланысты үкімет "Самұрық-Қазына" ұлттық әл-ауқат қоры"АҚ-мен бірлесіп, әуе кемелерінің паркін ұлғайту үшін "Эйр Астана" және "Qazaq Air" компанияларын қосымша капиталдандыруды жоспарлап отыр", - деді Жеңіс Қасымбек.
Одан өзге вице-премьер ағымдағы жылдың көктемінде төмен бюджетті отандық Fly Arystan әуе компаниясы іске қосылғанын атап өтті. Ал жыл соңына дейін аталған әуе компанияның рейстер саны күніне 14-тен 28 жиілікке дейін арттыру көзделіп отыр.
Ал теміржол билеттерінің жетіспеушілігі мәселесіне қатысты Жеңіс Қасымбек былай деді:
"Жетіспеушіліктің алдын алу мақсатында билеттерді сату процесі цифрландырылуда. Билеттерді сату тәртібін реттейтін норма енгізіледі. Биылдан бастап "Қазақстан теміржолы" компаниясы жыл сайын 100-ден аса жаңа жолаушы вагонын сатып алатын болады", - деді вице-премьер.
Еске салсақ, күні кеше Мемлекет басшысы халыққа арнаған Жолдауында Қазақстанда әуе билеттерінің бағасы қымбат екенін айтқан болатын.
