Жетісайлық қайырымды жандар Рамазан айында өз жерлестеріне азық-түлік таратуды жалғастыруда. Мәселен, орталық "Нұғман" мешітіне қасиетті ай ішінде көмекке мұқтажбыз деп бес жүзге жуық отбасы келіп, тізімге енген екен.
Мешіттің бас имамы олардың барлығы дерлік көмексіз қалмайды дейді. Бүгін екі жүзге жуық отбасыға көмек көрсетілді. Барлығына ауданның кәсіпкер азаматтарының демеушілік көрсеткен . «Жылы жүрек жомарт қол» акциясы аясында аз қамтылған отбасыларға 14 мыңға жуық теңгенің азық түлігі таратылды. Тек азық-түлік емес, сабын, сусабын секілді өзге де тұрмыстық заттар бар. Мұндай қайырымдылық шара бұл мешітте жыл сайын дәстүрге айналған. Осыдай көмекке ие болғандардың бірі Нұржамал Мырзақұлова. Мүгедек баланы тәрбиелеп отырған келіншек көпбалалы аналардың қатарында. Көпбалалы ана мешіт тарапынан тұрақты түрде қолдау көріп жатқанын айтып, алғысын жаудырды.
Айта кетерлігі, Рамазан айының соңғы екі күнінде дәл осы мешітте әлеуметтік жағдайы төмен 300ге жуық отбасының әрқайсысына елу мың теңгеден беріледі. Дін өкілінің айтуынша, бұл қаржыны мешітті жерлестеріне салып берген меценат азамат өз қалтасынан шығармақ.
