Бұл оқиға Түркістан облысы, Жетісай ауданында қыркүйек айының екінші жартысында орын алған. Полицейлердің жас жігітті ұрып-соғып, тонағандардың кім екенін анықтады, деп хабарлайды Elitar.kz.
Полицейлерге қыркүйек айының 17-сі күні таңғы 03:30-дар шамасында ауданда орналасқан газ құю бекетінің операторы хабарласып, белгісіз азаматтардың кенеттен шабуыл жасап, ұрып-соғып, қалтасындағы ақшасын күшпен алып кеткендігін жеткізген. Тәртіп сақшылары бұл жайтты ҚР Қылмыстық кодексінің 191-бабы «Тонау» бойынша тіркеуге алды.
Жедел жүргізілген іздестіру іс шаралары кезінде күдікті ретінде Жетісай қаласының 2 тұрғыны құрықталды. Олардың бірінің 2011 жылы «тонау» бабымен сотты болғандығы анықталды.
"Тергеу барысында белгілі болғандай, газ құю бекетінде оператор болып істейтін азаматтың бірі, яғни күдіктінің бірінің туысы оған қарыз болған. Жиыннан ішімдікке сылқия тойып алып шыққан күдікті сол туысынан қарызын алмақшы болып газ құю бекетіне сыбайласымен бірге келген. Алайда туысын таба алмағаннан соң бекетте жұмыс істейтін екінші бір оператордың қалтасындағы ақшасын күштеп, ұрып соғу арқылы 28 мың теңгесін алып кеткен. Ол ақшаның 14 мың теңгесі күдіктілерден айғақты зат ретінде алынып, иесіне қайтарылды.
Бүгінгі таңда аталған жайтқа қатысты барлық құжаттар сараланып, дәлелін тауып, аудандық сотқа жолданды" делінген облыстық полиция департаментінің баспассөз қызметі берген мәліметте.
