23 қаңтар, 09:08
Жүргізуші құқығынан айырылған азамат мас халде көлік басқарып, жол апатын жасаған.
Түркістан облыстық Полиция департаментінің мәліметінше, жол-көлік оқиғасы Жетісай ауданындағы ауылдардың бірінде орын алған. Оқиға орнына жеткен полицейлер "Опель Вектра" және "Волга" автокөліктерінің соқтығысқанын анықтады. Тәртіп сақшыларының тексеру жұмыстары нәтижесінде Келес ауданының тұрғыны өзінің "Опель Вектра" маркалы көлігімен ауылына қарай тиісті бағытымен кетіп бара жатқаны айқындалды. Кенет Асықата кентінен Жетісай қаласына қарай келе жатқан "Волга" маркалы автокөлігі Келестік тұрғынның бағытына түсіп кетіп, қарсы бағытқа шығу салдарынан жол апаты орын алған болып шықты.
Аталған жайт бойынша полицейлер жол қауіпсіздік ережесін бұзушысы жүргізушіге қатысты тексеру жұмыстарын жүргізді. Және оның бұдан алдын Шымкент қалалық мамандандырылған соттың шешіміне сәйкес 2021 жылдың мамыр айына дейін көлік құралын басқару құқығынан айырылғаны анықталды. Яғни, жол апатын жасаушы, көлік басқару құқығынан айырылса да қайта заңға қайшы әрекет жасаған. Онысымен қоймай масаң халде көлік айдаған. Мастық күйін анықтау сараптамасының қорытындысына сәйкес "орта дәрежелі" екендігі айқындалды. Көлік жүргізушісі өз кінәсін толық мойындады.
"Бұл дерек ҚР ҚК-нің 346-бабы "Көлiк құралдарын басқаратын адамдардың жол жүрісі немесе көлiк құралдарын пайдалану қағидаларын бұзуы" бойынша тіркеліп, тергеу ісі басталды. ЖҚЕ бұзған азамат Жетісай АПБ-нің уақытша ұстау изоляторына қамауға алынды" делінген ведомство мәліметінде.
