Жетісайда «Зекет» қайырымдылық қорының мұрындық болуымен Шекербековтер әулеті баспаналы болды, деп хабарлайды Elitar.kz.
Жалдамалы пәтерде тұратын отбасының отағасы екінші топтағы мүгедек. Жұбайы екеуі бес ұл-қызды тәрбиелеп отыр.
Көпбалалы отбасыға үш бөлмелі үйді белгілі кәсіпкер азамат Қайрат Әбдіхалықов зекет ретінде өз қаржысына сатып алып берді. Қалталы азамат бұл қайырымдылық әрекетін Рамазан айында жасаған сауап іске балап отыр.
Осыдан бір жыл бұрын Жетісай ауданында құрылған «Зекет» қайырымдылық қорына келіп түскен қаржыға Шекербековтер әулетіне берілген баспананың жөндеу жұмыстары жүргізіліп, тұрмыстық қажеттіліктер алынды.
Үйлі болған
жетісайлық жанұя барша қайырымды
жандарға өз алғыстарын жаудырды.
Аудандағы орталық «Нұғман» мешітінің
бас имамы Бекзат Сыздықтың айтуынша,
бұл "Зекет" қорының көмегімен
мұқтаж отбасыларға берілген сегізінші
баспана.
