Ер адамның мәйіті қаладағы су қоймалардың бірінің жағалауынан табылды, деп хабарлайды қалалық Полиция департаментінің баспасөз қызметіне сілтеме жасай отырып Elitar.kz.
Полиция департаментінің Криминалдық полиция қызметкерлері аяусыз өлтірілген ер кісінің 33 жастағы қала тұрғыны екенін анықтады. Қанды оқиғаға күдікті ретінде Жезқазған қаласының 55 жастағы тұрғыны ұсталды. Тергеу кезінде белгілі болғаны, көз жұмған ер кісі мен күдікті екеуі ішімдік ішіп отырады. Көңіл көтеру соңы жанжалға ұласқан. Ашуға буланған егде жастағы ер адам бөтелкелесін пышақтап, денесін бірнеше бөлікке бөліп тастаған. Аталған факті бойынша ҚК-нің 99-бабының 1-бөлігімен қылмыстық іс қозғалды. Күдікті уақытша ұстау изоляторына қамалды. Тиісті сараптамалар тағайындалды.
