Көлік апатынан көз жұмғандардың үшеуі де Өзбекстан азаматы. Апатқа ұшыраған көлік көршілес Өзбекстан еліне тиесілі, деп хабарлайды Түркістан облыстық Полиция департаментінің баспасөз қызметіне сілтеме жасап Elitar.kz.
Жолда кетіп бара жатқан Нексия автокөлігінің жүргізушісі ұйықтап кеткен. Салдарынан Өзбекстанның төрт азаматы мінген көлік жол жиегіне аударылған. Екі әйел оқиға орнында көз жұмып, тағы бір жолаушы Ордабасы аудандық ауруханасында қайтыс болды. Көлік тізгіндеген азамат ауыр халде ауруханаға жеткізілді.
"Қазіргі таңда осы жол көлік оқиғасына қатысты Қылмыстық кодекстің 345-бабы «Көлiк құралдарын басқаратын адамдардың жол жүрісі немесе көлiк құралдарын пайдалану қағидаларын бұзуы» бойынша тергеу амалдары жүргізілуде», - делінген баспасөз хабарламасында.
