Маңғыстау полицейлері 12 жыл бойы іздеуде болған алаяқ әйелді ұстады. 54 жастағы әйел Қылмыстық кодекстің 190-бабының 3-бөлігінде (Алаяқтық) көзделген қылмыс жасағаны үшін 12 жыл бойы іздеуде жүрген. Ол - Батыс Қазақстан облысының тумасы.
«Маңғыстау облыстық Полиция департаментінің криминалдық полиция басқармасының қызметкерлері күдіктіні Алматы қаласында әйелді ұстады. Тәртіп сақшылары оны Алматыдағы уақытша ұстау изоляторына қамауға алды» делінген мәліметте.
