19 ақпан, 10:47
Автокөліктер мен адамдар қозғалысқа тыйым салынған жолдардан құтқарылған.
2019 жылдың 16-17 ақпаны күндері Алматы, Қостанай, Қарағанды, Жамбыл, Павлодар және Шығыс Қазақстан облыстары аумағындағы жолдардан 58 көлік құралы мен 232 адам құтқарылды, деп жазады Elitar.kz ТЖК баспасөз қызметіне сілтеме жасап.
Апатты-құтқару жұмыстарына ТЖД, жергілікті атқарушы органдар, жергілікті полиция мен «Қазавтожол» мекемесінің 29 техникасы мен 66 құтқарушы жұмылдырылған.
17 ақпан күні Сарыбастау ауылына жақын жерде, Сарыөзек-Қарашоқы жолының 32-шақырымында ТЖД мамандары 3 жеңіл көлік пен жедел жәрдем қызметінің көлігін қар құрсауынан алып шығып, тазартылған жолға жеткізді. Көліктерде 10 адам болған, оларға медициналық көмек қажет болмады.
Сол күні сағат 12:30-да Сарыөзек-Көктал жолының 17-52-шақырымдарында 19 жеңіл және 4 жүк көлігі тығылып тұрып қалған. Көліктердегі 52 адамға дәрігерлердің көмегі қажет болмады. Құтқарушылар, полиция және «Қазавтожол» ЖШС мамандары мен жергілікті атқарушы орган қызметкерлері көліктерді қардан аршылған жолға сүйреп шықты.
Автор:
Elitar.kz
