Белгілі болғаны, шымкенттік көлік жүргізушілердің көбі қауіпсіздік белдігін тақпауды құп көреді екен. Есесіне көлік тізгіндеп отырып ұялы телефонмен сөйлескенді ұнатады. Бұл туралы Шымкент қалалық полиция департаментінің баспасөз қызметіне сілтеме жасай отырып Elitar.kz.
21-27 қазан аралығында Шымкент қалалық полиция департаментінің қызметкерлері жүргізушілердің көлік тәртібін арттыру, жол-көлік оқиғаларының санын азайту, сондай-ақ жол қозғалысы ережелерін бұзудың алдын алу мақсатында «Қауіпсіз жол» жедел-алдын алу іс-шарасын өткізуде.
Аталған іс-шараның бір күнінің қорытындысы бойынша полицейлер жол қозғалысы ережелерін бұзудың 563 жайтын анықтады.
Оның ішінде:
ҚР ӘҚБтК-нің 590-бабы 8-бөлігі «Жолаушыларды, багажды автомобильмен тұрақты немесе тұрақты емес тасымалдауды, сондай-ақ жүктердi тасымалдауды жүзеге асыру кезiнде рейс алдындағы техникалық қарап-тексеруден өтпеген автокөлiк құралдарын пайдалануға шығару, сондай-ақ рейс алдындағы медициналық қарап-тексеруден өтпеген жүргiзушiнiң басқаруына рұқсат беру» бойынша – 2;
ҚР ӘҚБтК-нің 590-бабы 9-бөлігі «мемлекеттік немесе міндетті техникалық байқаудан өтпеген көлік құралын басқару» бойынша – 4;
ҚР ӘҚБтК-нің 591-бабы «көлік құралын басқару кезінде жүргізушінің телефонды немесе радиостанцияны пайдалануы» бойынша -25;
ҚР ӘҚБтК-нің 593-бабы «жолаушылар мен жүктерді тасымалдау, қауіпсіздік белдіктерін пайдалану бойынша талаптарды сақтамау» бойынша - 35;
ҚР ӘҚБтК-нің 595-бабы «маневр жасау ережелерін бұзу» бойынша - 12;
ҚР ӘҚБтК-нің 599-бабы «бағдаршамның тыйым салатын сигналына немесе реттеушінің тыйым салатын қимылына жол жүру» бойынша - 8;
ҚР ӘҚБтК-нің 600-бабы «жаяу жүргіншілерге немесе жол жүрісінің өзге де қатысушыларына жүруге басымдық бермеу» бойынша - 4;
ҚР ӘҚБтК-нің 612-бабы «құжаттарсыз және басқару құқығы жоқ адамның көлік құралын басқаруы» бойынша - 3;
ҚР ӘҚБтК-нің 615-бабы «Жаяу жүргiншiлердiң және жол жүрісіне өзге де қатысушылардың жол жүрісі қағидаларын бұзуы» бойынша – 30.
