Ауыр жұмыс салдарынан 7 қазақстандық Оңтүстік Кореяда көз жұмған, деп хабарлайды ҚР СІМ-іне сілтеме жасай отырып Elitar.kz. Бұл соңғы жарты жылдағы көрсеткіш.
ҚР Сыртқы істер министрлігінің ресми өкілі Айбек Смадияровтың айтуынша, осы жылдың басынан бері мыңнан астам Қазақстан азаматы Оңтүстік Кореядан өз еркімен елге оралған. Депортацияланғандары да бар. Олардың саны бұдан әлдеқайда көп.
«Әзірге
деректер жария етілмейді, Бұл операция
жалғасып жатыр. Ол жақта қалған Қазақстан
азаматтары баршылық. Бізге қайғылы
хабарлар да келіп түсіп жатыр. Соңғы
жарты жылдың ішінде Оңтүстік Корея
аумағында заңсыз жүрген 7 азаматымыз
қайтыс болды. Жасы 30 бен 40-тың арасындағы ер азаматтар»,-деді Айбек Смадияров.
Бұл азаматтар ауыр жұмыстан соң кешке
үйлеріне келіп ұйықтағаннан кейін
таңертең оянбаған. Ол елде заңсыз
жүргендіктен жұмыс берушімен арада
келісімшарт болмағандықтан медициналық
сақтандыруға құқықтары жоқ. Қаза болған
азаматтардың денесін елге жеткізу де туыстарына қиындық тудырған. Өйткені
Оңтүстік Кореядан бір мүрдені елге
жеткізу 7 мың АҚШ долларының
көлемінде.
Сенімді дерек көздерінің
мәліметінше, Кореяда көбіне қазақстандықтар
қызмет көрсету саласында жұмыс атқарады.
Өткен жылғы мәлімет бойынша ол елде 39
мың азаматымыз жүрсе, оның 12 мыңға
жуығының құжаты түгел емес. Қолға түскен
жағдайда оларға 7 миллион теңге шамасында
айыппұл салынуы мүмкін.
Қазақстан мен
Оңтүстік Корея елдерінің арасындағы
келісімшарт бойынша екі елдің азаматтары
визасыз 30 күнге дейін бір-біріне
бара береді. Соңғы жылдары Кореяға
баратын қазақстандықтар саны күрт
артқан.
Фото: ult.kz
