04 қараша, 11:42
Төлеби АПБ-не жергілікті тұрғын арызданады. Ол өз арызында 3 күн алдын жайылымдық жерде жайылып жүрген 7 бас жылқысын белгісіз жағдайда жоғалтып алғанын көрсетеді.
Жәбірленушіге келтірілген шығын көлемі 3 миллионға жуық теңгені құрады. Арыз Төлеби АПБ-нің сотқа дейінгі тергеп-тексерудің бірыңғай тізіліміне енгізіліп, ҚР ҚК-нің 188-бабы бойынша тіркелген. Бұл туралы Түркістан облыстық полиция департаментінің баспасөз қызметі хабарлады.
Оқиға орнына жеткен полицейлер жоғалған жылқыларды табу мақсатында тез арада іске кіріскен. Тау-тасты кезіп, бір тәулік ішінде жедел-іздестіру шараларын жүргізіп, оқиға орнынан 10 шақырымнан астам жерден таулардың арасынан 7 бас жылқыны тауып, заңды иесіне қолхатпен қайтарып береді. Өз кезегінде, жылқыларын қараусыз қалдырып жоғалтып алған тұрғын полицейлерге алғысын білдірді.
«Жоғымды тауып бергендерің үшін ризамын. Жылқыларымның қайта табылуында сендердің үлестерің зор. Жұмыстарыңа тек сәттілік тілеймін»,-деді жылқылардың иесі.
Автор:
Elitar.kz
