Бұл туралы Түркістан облыстық ДСБ баспасөз қызметіне сілтеме жасай отырып Elitar.kz хабарлайды.
Оқиға Абай ауданы, Ошақты ауылында орын алған. Ауласында ойнап жүрген 4 жасар Айару Әбдіқадыр абайсызда үйінің жанындағы үлкен арыққа құлап кетеді. Оны байқап қалған балалар қыздың әкесіне хабарлаған екен. Әкесі судан қызын алып шыққанда ол көгеріп, ес - түссіз болған. Әкесінің айтуынша, қызы шамамен 10 минуттай суда қалып қойған.
Оқиға орнына бірнеше минуттың ішінде шұғыл жеткен жедел жәрдем қызметкерлері алқашқы медициналық көмек көрсетіп, өкпесінен шу шыққан соң, тыныс алып баланың беті бері қараған. Жедел жәрдем қызметкелерінің кәсіби біліктілігі мен көмек көлігінің қажетті техникамен толық жабдықталуынан, суға батып кеткен сәби аман қалды.
Балақай
Абайдағы Орталық ауруханаға
жеткізіліп, дәрігерлердің бақылауына
алынды. Жансақтау бөлімінде жатқан
кішкентай Айарудың бүгінде беті бері
қараған. Жансақтау бөлімінен ауыстырылып,
тиісті ем алуын жалғастыруда.
