Жауын суына арналған канализацияның бекітілмеген шұңқыры көлік апатына себеп болды. Оқиға 2 мамыр күні таңертең Халиуллин көшесінің қиылысында Шығыс айналма автожолында орын алды, деп хабарлайды Sputnik-ке сілтеме жасай отырып Elitar.kz.
65-бағыттағы автобус жүргізушісі бұрылыста қатты соққыны сезіп, әйелдің айқайлаған дауысын естіді.
Автобус еденін тесіп өткен ауыр шойын люк жолаушы әйелдің аяғын сындырған. Ол аяғының қатты ауырғанына шағымданып, жедел жәрдем шақыруын сұраған. Келген дәрігерлер жабық сынықты анықтады, әйелді ауруханаға жатқызды.
Оқиға орнында коммуналдық
қызмет мамандары жұмыс істеуде. Полиция
оқиғаны тергеп жатыр.
Фото: Sputnik
